العناية باشعر

موضوع: العناية باشعر الخميس يونيو 12, 2008 3:25 am

يله اول شي عن منتجات العنايه بالشعر ...

اول شي انا عانيت من تساقط في الشعر بشكل فضيع ..بسبب فقر الدم ..
عالجت عند دكتور وعلاجي للاسف كان ريجين ..انتو عارفين وش يسوي ..
طلع الشعر الي تساقط وطلع شعر بكل مكان حتى بأذني !!
المهم بعد 9 شهور من العلاج المستمر قالي شعرك ممتاز وقفي ..
ووقفت العلاج وطاااح الشعر تخيلو عاد النفسيه
المهم قررت اني اهتم ...وفعلا اتجهنا للطبيعي والمفاجأه ..

شفت الشعر بعيوني يطلع ..
خواتي وماما وصديقاتي كلهم لاحظو الشعر الجديد الصغير ..
تبون تعرفون السر يله ..

شي مافيه ريحه ولا يدهن بالشعر ولا يبين انو اني حاطه شي
بشعرك والاحلى مايحتاج تغسلين شعرك
الي هو الصبـــــار ..هذا صراحه سحر سحر من قلب ..
المهم خذت الصبار وفتحتها وخذت الجل الي داخل
وبالخلاط لين صار مثل المويه وبعدها كنت اصفيه بغتره قديمه
عشان كل الاشياء الصغار تروح ..
واحطه بالثلاجه مع مراعاة عدم لمسه باليد ..
وكل يوم استعمله اقولكم كيف طرقه مبتكره ..
اخذ قطره للعين "بيزيلين " فاضيه طبعا واعبيها كلها وابدا اوزعه على فروه الراس
وبعدا اسوي مساج ..وبعدها اخلي شعري مفتوح لين ينشف والمه ..
طبعا الي تبي جل طبيعي تستعمله لا ريحه ولا لون ولاشي ..

الي شفته ..طوووول سريع للشعر " بطريقه خياليه " ..طلع الشعر <-- وهذا المطلوب ..

ثاني شي سويته الي هو الكامينو موتو ..نفس الشي اعبي القطره ونستخدمه مرتين باليوم بس توني شاريته يعني مابعد شفت نتيجه ..
من فتره سمعت تحذير وحاله وانو ضار ..
اول شي مو ضار لييه ؟؟ الدكتور وصفه لماما
وثاني شي سألت الصيدلي وقالها مافي ضرر ةولا شي كله
مواد طبيعيه الضرر الي بتشوفينه طول للشعر ويقويه وينبته !!
والله نبي هالضرر ..

ثالث شي كلنا نعرف فوائد السدر والحنا للشعر ..
خذت ملعقتين حنا وملعقتين سدر وملعقتين زعتر ونقعتهم
بماي حار يوم كامل وبعدا صفيته وحطيته بالثلاجه وكل يوم
اعبي القطره واسوي مسااج لشعري ..مافيه ريحه حنا ولاسدر ولا زعتر ..

والشامبو من الصيدليه وصفه لي الدكتور نسيت اصوره بس راح اصوره لكم ..
يمنع التساقط وينظف فروه الراس من الزيوت والقشره

اشياء اتجنبها تعدم الشعر ونصيحه دكتور :
1- لاتمشطين شعرك وهو رطب
2- لاتغسلينه يوميا
3- اذا انتي في البيت اطلقي العنان لكشتك يعني فليها وخليها تتهوى خخخ
4- مشطي شعرك بمشط خشب وكبير " اسنانه واسعه " <-- انا ماطبقت هالشي

وغير كذا ..داومت على حبوب الحديد ...انصحكم فيها بقووه ..واذا سببت لك امساك قولي للصيدلي وهو يعطيك شي مناسب يقضي على مشكله الامساك ..

خففي السشوار والفير وهالخرابيط ..وسوي طااقيه " احسن اختراع " ..وبس نجي للصور ..

هذا الكمينو

وهذي القطره للي مايعرفها هههههههههه امزح والله

وكلكم عاد تعرفون السدر والحنا ..واذا تبون اصور من عيوني اصورها لكم

ونكمل بالصفحه الثانيه لاتردوون ..

يتبع

نكمل ..

راح اتكلم عن كيف اصفف شعري تسريحات بسيطه يوميه وتصير للسهره بعد اذا غيرنا فيها كم شي ..

اول شي بعرض لكم المنتجات الي استخدمها "مو بشكل دائم اذا دعت الحاجه "..

1- سبري " مثبت" اذا بتعدلين الغره تثبتينها ..سويتي بف وتبينه يركز ..مانصحكم تكثرون منه ..
2- واكس للشعر ..اذا سويتي شعرك بالمكوا حطي على اطراف شعرك ومشي المكوا عليه ولا على اطراف الغره اذا مارضت تهبط ..
3- سيريوم لوريال ..ريحه ولمعه خيال ..ويطري الشعر ..وينفع بعد او قبل السشوار ..

وبعرض لكم صور للادوات الي استخدمها ..