كلمات الجمهره للشاعر حامد زيد..... !!!

صاحب العواصف الشعرية السابقة ك ( السفينة ) .. (المباني ) .. (أربع خناجر ) .. (الشعرا ) .. ( الأسطورة ) .. وغيرها من قصائد (حامد زيد) بألفاظه الجزلة ومعانيه القوية ..

وها هي آخر قصيدة قرأتها له وهي ( الجمهرة ) ..

أترككم معها ...

إي بالله أخطوا والخطا اللي جابهم عين الصواب
مبطي وأنا أشوف الطمع يكشف رداهم وأستره

مايملي عيون الحسود بهالزمن غير التراب
ومن لايتوب من الخطا تحرم عليه المعذره

اللي من أولها خراب أكيد تاليها خراب
والبندق اللي ماتثور في هدفها تذعره

ودك اليامن جاتك الغلطه من الناس القراب
الصاحب اللي ماكسبت محبته ماتخسره

مشكلتي إني ماعرفت أحسب لصدتهم حساب
قلطتهم صدري على ذكرى قصيد وحنجره

صوت ٍ يصول بمنبره واخطاب مامثله خطاب
والطيبه اللي زعزعت صوت الخطيب ومنبره

مافيه دمع ٍ صوبوه أحبابي بوجهي وخاب
ولازرق حزني على غالي ولافج انحره

كل الزهاب اللي معي ذكرى من أصحاب الزهاب
واللي بقالي من عذاب اشرس طريقي وأخطره

لأني تجنبت الغرق.. عديت من فوق السحاب
لأن أكثر أصحابي ورق..ماشفت للطيب إثمره

والله ماحطيت بين الحقدوالخوه حجاب
حتى غدوا ربعي يحدوني على الضيق أشكره

البارحه ثارت علي رقاب وأوتني رقاب
البارحه ياثقل دم البارح ويامحقره

أثر المصايب ماتجيك إلا من الناس القراب
وبهالزمن حتى الخوي اللي تثق فيه أحذره

أهب ياوجه الحسد وشلون جمعهم وغاب
كيف السنين اللي عطتني بعثرتهم بعثره

لابارك الله في رفيق ٍ تزعله كلمة عتاب
ولاجمع الله الرجال اللي تفرقهم مره

الصاحب اللي مايجي من صحبته غير العذاب
نذر ٍ علي إن ماهجرني وإلا أنا اللي ب أهجره

من يفتح لفرقاي باب أفك له عشرين باب
وأذا خويي مايقدر خوتي ما أقدره

عوّدت نفسي كل ماشددت لليمّه ركاب
مأصد وجهي عن طموح إلا لياجبت خبره

أن روّحوا فأنا بري منهم ليوم الحساب
وإن جرحوا قولوا لهم ماحركوا فيّ إشعره

شفهم لهم حول السنه ولا خذوا مني جواب
أحسن دوا للي يحاول يستفزك تحقره

ماكنت أحاتيهم صغيّير ..عاد أحاتيهم شباب
الصاحب اللي ما أذخره لليوم الأسود ما أذخره

شفني جمعت أوراقهم بكتاب وأغلقت الكتاب
ياوقت لم اللي تلمه وأنثر اللي تنثره

اللي يخاف من الظما يترك لنا طرد السراب
واللي ماهو بقد الظلام ووحشته لايسهره

عقب أكتئاب البارحه ماعاد انا حمل إكتئاب
الطيب جرجرني وانا ماني بناقص جرجره

انا تجرعت الظما لين أحترق وجهي وذاب
انا كسرت بخاطري قبل الصداقه تكسره

انا خسرت اللي غيابه غير عن كل الغياب
انا غفرت لعلام ٍ ماتستحق المغفره

انا أكثر أنسان تعلم من كثر ماأخطأ وصاب
انا أخر لسان يتكلم في زمان الثرثره

انا القصيد اللي فزع من دفتره مليون ناب
وانا الوحيد اللي جمع مليون ناب بدفتره

جفني وجرّحه السهر ، حيلي وهدّته الصعاب
دمعي هدر،ضحكي ندر،عمري وضيعت أكثره

شيب بعقول العرب..هيبت روس ٍ ماتهاب
جمهرت ناس ٍ عمرهم مايعرفون الجمهره

ماصرت ذيب إلا لأن اللي تحدوني ذياب
ما كنت أغيب إلا لأن العفو عند المقدره

ترى حلاتك لاحملت لصاحبك كلمة عتاب
أن مانطقت بها بوجهه ماتذمه بظهره

في هالزمن مايملي عيون الحسود إلا التراب
والا الحظيظ.. الطلقه اللي ماتصيبه تذعره

ودك اليا من جاتك الغلطه من الناس القراب
الصاحب اللي ماكسبت محبته ماتخسره
تحيــــــــــــا الامبراطور ــــــــــــــــــــاتي

يسلموووووووو خيووو على الطرح الرائع

ويعطيك العافيه

وثااااانكس

تقبل مروري

مشكوره على المرور شوكلاته ومنك احلى مرور

تحـــــــيــــــاالامبراطورـــــــتــــي

Admin المساهمات : 94 تاريخ التسجيل : 02/06/2008

الله يعطيك العافية على هذه المشاركه

الرائعة مشاء الله عندنا شعارههههههههه

والله لايحرمنا من جديدك
..........................................
.................................
......................
................
...........
.....
..
.

يسلمك ربي يالامبراطور

صح لسانك ولسان كاتبها

الف شكر لك

ويسلمو ع القصيده

كلام حلوو صراحه

ذكرتني بايام ماكنت شاعر اد الدنيا Razz

لكـ سلامـــي الحار

يعطيك الــــــــف عااافيه اخوي الامبراطور

ودوم التقدم والابداااااع

تقبل مرررروري.........

كلماات في قمه الرووعه والجماال

سلمت يمينك اخووي لما قدمت لنا

بانتظار كل جديد منك

دمت بوود

عضو فضي المساهمات : 305 تاريخ التسجيل : 09/06/2008

الامبراطور

صح لسااااااااااااااااااانك يا الشاعر خخخخخخخخخخخخخخخ Suspect

لا تحرمنا من جديدك

تقبل مروري

تحياتي كلي حلا حاملة غلا Razz